ДЕПАРТМАН ЕКОНОМИЈА
Раководител: проф. д-р Даниела Бојаџиева
Секретар: асист. м-р Кристијан Кожески
ЦЕЛ НА СТУДИСКА ПРОГРАМА
Целта на студиската програма е да оформи профил на современ дипломиран економист кој ќе поседува:
♦ Знаења од микроекономска и макроекономска теорија.
♦ Способности за микроекономска и макроекономска анализа.
♦ Вештини за емпириска економска анализа како основа за формулирање економски политики.
ШТО ЌЕ НАУЧАТ СТУДЕНТИТЕ?
Програмата е структурирана за да овозможи:
♦ Разбирање и анализа на економски појави и процеси.
♦ Анализа на микроекономско ниво: фирми, пазари на добра и услуги, пазари на фактори на производство.
♦ Анализа на макроекономско ниво: агрегати и макроекономски политики.
♦ Разбирање на глобалната економија и нејзините предизвици.
ЗОШТО ЕКОНОМИЈА?
Програмата одговара на потребите на три клучни групи општествени субјекти:
♦ Фирмите во производниот сектор
Големи, средни и мали претпријатија, јавни претпријатија, финансиски институции и стопански комори бараат кадар со компетенции за анализа на побарувачка, понуда и цени на пазари на добра, услуги и фактори на производство (труд, капитал, знаење, иновации).
♦ Државни институции
Народна банка, Министерство за финансии, Министерство за економија, Владата и регулаторните тела имаат потреба од кадар со знаења за современа економска теорија и примена на емпириски економски анализи за формулирање на политики што обезбедуваат економски раст и одржлив развој.
♦ Научно-истражувачки институции
Факултети, институти и организации бараат дипломирани економисти за позиции како асистенти, истражувачи и научни соработници, кои ќе учествуваат во анализи на економски политики, институционални реформи и развојни стратегии.